Xizmat, checkout va payout jarayoni

1. Xizmat va ishtirokchilar

UZFOX — Telegram bot, veb-ilova va mijoz kabineti orqali raqamli xizmatlarni buyurtma qilish, holatini kuzatish va texnik yordam olish imkonini beruvchi axborot-texnologik xizmat. Xizmat operatori YTT OBIDDINOV XURRAMBEK MURODJON O‘G‘LI hisoblanadi.

Jarayonda mijoz, UZFOX platformasi, to‘lov provayderi yoki bank hamda zarur holatda xizmat ijrochisi ishtirok etadi. Har bir tomon faqat o‘z vakolati doirasidagi amalni bajaradi.

2. Ro‘yxatdan o‘tish va xizmat tanlash

• mijoz UZFOX sayti, Telegram boti yoki Cabinet orqali xizmat bilan tanishadi;
• himoyalangan kabinet uchun foydalanuvchi o‘z telefon raqami yoki elektron pochta manzilini tasdiqlaydi;
• mijoz xizmat, loyiha yoki tarifni tanlaydi va bajarish uchun zarur, qonuniy ma’lumotlarni kiritadi;
• platforma xizmat mavjudligi, narx, foydalanuvchi huquqi va texnik cheklovlarni server tomonida tekshiradi.

3. Buyurtma va elektron rozilik

• yakuniy narx, xizmat tarkibi va buyurtma identifikatori to‘lovdan oldin ko‘rsatiladi;
• mijoz Ommaviy oferta, Xizmat shartlari, Maxfiylik siyosati hamda To‘lov va qaytarish qoidalari bilan tanishib roziligini belgilaydi;
• buyurtma serverda bir marta yaratiladi va keyingi amallar o‘zgarmas ichki identifikator bilan bog‘lanadi;
• rozilik va muhim holat o‘zgarishlari sana, vaqt va xavfsiz texnik qaydlar bilan audit qilinadi.

4. Checkout — kiruvchi to‘lov

• mijoz faqat ayni paytda faol deb ko‘rsatilgan to‘lov usulini tanlaydi;
• UZFOX serveri buyurtma, summa, valyuta va takroriy operatsiya yo‘qligini qayta tekshiradi;
• karta rekvizitlari, CVV va bank tasdiqlash kodi UZFOX formasida yig‘ilmaydi; ular bank yoki provayderning himoyalangan oynasida kiritiladi;
• bank yoki karta turi talab qilsa, 3D Secure autentifikatsiyasi bank/provayder oynasida bajariladi;
• brauzerdagi “muvaffaqiyatli” sahifa pul tushganining yagona dalili hisoblanmaydi.

5. Uzum Bank Merchant API va server tasdig‘i

Uzum Bank Merchant API faollashtirilganda foydalanuvchi Uzum Bank ilovasida UZFOX xizmatini tanlab, buyurtma kodini kiritadi. Bank UZFOXning oldindan kelishilgan server endpointlariga /check, /create, /confirm, /reverse va /status so‘rovlarini yuboradi.

UZFOX har bir so‘rovda autentifikatsiya, serviceId, buyurtma, summa, tranzaksiya identifikatori va amaldagi holatni tekshiradi. Takroriy so‘rov bir xizmat yoki balansni ikkinchi marta hisoblamaydi. Xizmat faqat bankning tasdiqlangan /confirm xabari va serverdagi mos holatdan keyin faollashadi.

6. Natija, chek va fiskalizatsiya

• to‘lov tasdiqlangach buyurtma navbatga yoki bajarish holatiga o‘tadi va mijoz Cabinet orqali holatni ko‘radi;
• mijozga buyurtma va tranzaksiya identifikatori, summa, vaqt hamda holat ko‘rsatiladi;
• fiskalizatsiya shartnoma va texnik faollashtirish doirasida savdo cheki, qaytarishda esa asl paymentId bilan bog‘langan qaytarish cheki orqali bajariladi;
• xizmat natijasi kelishilgan shaklda taqdim etiladi; provayder tasdig‘i va xizmat natijasi alohida audit holatlari sifatida saqlanadi.

7. Bekor qilish va qaytarish

• xizmat boshlanmagan, takroriy yechim yoki UZFOX tasdiqlagan texnik xato holati Qaytarish siyosati bo‘yicha ko‘rib chiqiladi;
• qaytarish asl buyurtma va asl provayder tranzaksiyasiga bog‘lanadi;
• qaytarish summasi bajarilgan xizmat va qaytarib bo‘lmaydigan qonuniy xarajatlar hisobga olingan holda aniqlanadi;
• yakuniy qaytarish holati faqat provayder yoki bank tasdig‘i va ichki reconciliationdan keyin aks ettiriladi.

8. Payout — rejalashtirilgan chiqim

Payout checkoutdan alohida jarayon. UZFOX foydalanuvchisi xizmat shartlariga muvofiq hisoblangan va yechishga ruxsat etilgan mablag‘ bo‘yicha ariza yaratadi. Avtomatik payout faqat Uzum Bank bilan alohida shartnoma, oluvchi toifasi, KYC, limitlar, API credentiallari va production UAT yozma tasdiqlangach yoqiladi.

Faollashtirilganda ariza oluvchining o‘ziga tegishli ruxsat etilgan rekvizit, mavjud balans, rezerv, limit, dublikat, risk va idempotency tekshiruvlaridan o‘tadi. Provider qabul qilgan operatsiya status so‘rovi va reconciliation orqali yakunlanadi. Noaniq yoki mos kelmagan holat avtomatik “to‘landi” deb belgilanmaydi va qo‘lda tekshiruvga yuboriladi.

Payout valyuta ayirboshlash, kredit, depozit yoki foydalanuvchilar o‘rtasidagi erkin P2P o‘tkazma xizmati emas. Bank shartnomasi ruxsat bermagan oluvchi yoki maqsadga pul yuborilmaydi. Bank tasdig‘igacha Uzum orqali avtomatik payout o‘chiq qoladi.

9. Firibgarlikka qarshi nazorat

• hisob, qurilma, IP, urinishlar tezligi, buyurtma va tranzaksiya mosligi tekshiriladi;
• noodatiy yoki takroriy operatsiya vaqtincha to‘xtatilishi va qo‘shimcha tekshiruvga yuborilishi mumkin;
• to‘lov va payout uchun alohida ruxsat, holat mashinasi, idempotency kaliti va audit izi qo‘llanadi;
• maxfiy kalitlar foydalanuvchi sahifasida ko‘rsatilmaydi; bank callbacklari autentifikatsiya va ruxsat etilgan manba talablari bilan qabul qilinadi;
• parol, CVV, SMS/OTP yoki to‘liq karta rekviziti chat, operator yoki UZFOX yordamchisi tomonidan so‘ralmaydi.

10. Holatlar, murojaat va nazorat

Buyurtma va to‘lov kutilmoqda, yaratilgan, tasdiqlangan, bajarilmoqda, yakunlangan, bekor qilingan, xato yoki qaytarilgan kabi aniq holatlardan o‘tadi. Noma’lum natija muvaffaqiyatga tenglashtirilmaydi.

Mijoz muammo yuz berganda buyurtma yoki tranzaksiya identifikatori, summa, sana va xato tavsifi bilan uzfoxofficial@gmail.com yoki +998(71)205-05-28 orqali murojaat qiladi. UZFOX ichki audit, provider holati va reconciliation ma’lumotlarini solishtirib natijani bildiradi.